GIKUYU 314 - 290

1.  Jesu njamba iri urume nionanirie umiriru  Na wendani wa kihoto Makanga magwete    Imuri  Jesu nionanirie umiriru, mathina ahonokie andu othe  Ena wendani munene wendo ni wanenehire  Ugituma aitwo thakame     2.  Ni manyitite ndotono na makanyita matimu  Na hiu cia njora iri moko ta ari muici mamurage     3.  Makanga makimunyita na makimucirithia  Jesu akionania wendani wa kuhonia ngombo gutu     4.  Athigari matwariire Pilato Jesu acirithio  Jesu agiukira akiruta igongana ria wendo     5.  Pilato akimutuira cira akimuhura na iboko  Uimio nja nao thigari makimuminjiria mata     6.  Jesu arikia gucirithio niomiriirie muno ngoro  Ni kumenya niarikitie wira uria aheirwo ni Ngai

1.  Unyite na guoko njikarage nawe  Ndikuiire muti wakwa wa kwambirwo  Njikarage nawe mathina-ini mothe  Ni getha undeithie kuhotana    Mwathani ni njui ndukandiga  Naningwenda ngona riri wa matu-ini  Uhithe haria andu matanginyona  Ungiona uuru uhithe    2.  Na nii ninjui ndiri hinya Mwathani  Wa gwitiriria nditi cia Shaitani  Na thuti cia mwiri na wendo wa arata  Na miago ya thi itari bata    3.  Mwathani kuri hindi igoka  Ugatwara andu aku iguru makahuruke  Undeithie gutiga mihango  Niguo hotage gwithagathaga    4.  Ndarikia gukinya mucii ucio wa tene  Caitani ndagacoka guthinia ringi  Baba ni akahimbiria na moko meri  Ahurukie wendo-ini wake.

1.  Jehova ni Muthamaki Jesu etagwo igongona  Roho Mutheru ni mai ma gutheragia andu othe     Ngai etagwo hoti Jesu etagwo igongona  Roho Mutheru ni maai ma gutheragia andu othe    2.  Jehova riria ombire thi na iguru  Na indo ciothe nigwathana athanire na gutigaruruke    3.  Magongona ma indo ciothe Ngai arikia kurega  Jesu athinjirwo agituika Ndurume ya igongona    4.  Anabii makiratha gutiri utagwetaga  Ati Roho ni githima kia nyumba ya Daudi    5.  Ngoro cia aria me na Roho ciitagwo hekaru iria ya Daudi  Ngai oigire ni agaka iguru riayo    6.  Jesu oigire ni ngoro-ini gugatheruka  Ithima cia Roho Mutheru andu othe mahoyage na Roho.

1.  Giti githeru kia unene gia ciira uria utuire  Uigiirwo nduriri ciothe na iruka na miario  Gia uthamaki wa Jehova na ndahakagwo na indo  Enda uthingu na kihoto na uhoro wa ma    2.  Ngai niathiururukiirie giti kiu giake  Mukungambura mutheru tari thumarati  Mbere yakio hena ruui rwa muoyo rukengaga  Ni rutheru ruhenagia tari gicicio    3.  Na thutha wa giti kia Ngai ni hari na iti ingi  Mirongo iri na inya na aria maikariire  Mehumbite nguo njeru na mena thumbi mitwe  Cia thahabu magocaga Ngai me nacio    4.  Rungu rwa giti kia Ngai ni hatherukaga  Migambo na marururmi na ruheni na ngwa  Ona imuri iria mugwanja cia gutherera giti  Ni matawa ma Jehova Maroho wake    5.  Ndungata cia giti kiu ni araika aria atheru  Marugamagirira mena hiu cia mbara  Mwiri wothe maiyuritwo ni indo cia kuhurana  Makai mwamure ritwa ria Ngai na ma.    6. ...

1.   Nguthaitha ngoro cia andu aria meriragiria muoyo  Gukena ni aria mekuigua gitumi gia ciugo ici.    Uira wa kuruta athuri  Na atumia na anake na airutu gitumi  Kanitha    2.  Musa ni amurire athuri ikumi na eri  Akimatha mathigane makiruma Jehova    3.  Akani aiya kindu kiria gi kirumi akihitha  Joshua nionganirie athuri maririre Jehova    4.  Israeli mahikia atumia a nduriri  Ezera aririire Ngai nduriri icio ikiingatwo    5.  Muru wa Ngai aciarwo thi niamurire arutwo ake  Aria ikumi na eri matuike aira ama    6.  Jesu e thi-ini wa arutwo acio niamurite Petro  Na Jakubu na Johana magitire kanitha    7.  Athuri aria me matu-ini mirongo iri na ana  Ritwa riao metagwo ati aira a kigongona.

1.  Mwathani wakwa uria ngoro yakwa ikayagira  We ngayagira gwithina munjakaithia  Muthenya na utuku mwihoko na uhonokio wakwa  Nyangangaga niki ngoima hari we  Ndiraga ni kuhuta weru-ini  Thu ciakwa ithekage ciona ngithina  Igathirikia ngitangika    2.  Njirai airitu a Zayuni ni monire njata  Iria yamurikaga weru-ini  Araika makiina magoce Ngai  Na nii thii kuo ngamugoce    3.  Mwathani wakwa unjoe ndige gucanga  Njokia mathugu-ini maku  Me thayu muingi na utonga wa ngoro  Ndi guku thi na na ndoka gwaku    4.  We Mwathani wakwa uria nyenda  Wi haha na aria angi ukimariithia wendo-ini  Na nii ndi nyiki kundu weru-ini  Kwina nyota na irio gutiri.

1.  Maheni ni manenehu biu o mundu aroiga  Nii nguite uhoro wama ukai,  Na Jesu oigire o mundu mumenyei  Na mitugo, iguai.     Ni Jehova witagwo ma,  Jesu nake etagwo uhoro wa ma.     2.  Ni mbara na kigiano riu kia andu magicaria,  Okuria uhoro wama uri,  Ta uria oigire,  Magacaragia thi yothe iguai.    3.  Roho Mutheru wama etagwo kiririkania kia uhoro wama  Thi-ini wa andu na araika  Mamenye uria Ngai enda,  Mamutungatagire iguai.    4.  Rugama wihande wega  Ngoro irumie uhoro wa ma,  Ucio ugukure ukombo-ini wa mwiri,  Uhoro uhote mwiri iguai.    5.  Andu aria mahotaga ngoma,  Niomiriru na ni njamba,  Na mari ngoro numu,  Mahotaga maheni na mwiri  Na uhoro iguai.    6.  Gukena ni mundu uria wothe,  Urumit ie uhoro wa ma,  Na agathura maheni na rugendo  Athiaga thiritu imwe na Ngai iguai.   ...

1.  Hindi iria Jesu agoka ena hinya muingi  Na ndagoka ta tene uria enyihitie  Agoka na unene wake na ukengi muingi  Nake niakarugama o Jerusalem    2.  Tukaina Haleluya twi hamwe na Jesu  Tukiheo matanji na iheo citu  Ni undu wa wira uria tumurutagira  Na inyui mutetikitie mukaheo ki    3.  Anake na airitu Jesu niekumuria  Na inyui muri na hinya kana ni athuri  Tondu ni mucinditwo ni athuri kuhunjia  Mutiuke na ihenya mukarahurane    4.  Athuri na atumia Jesu niekumuria  Hindi yakinya oka mugakiheo ki  Tondu ni muregete gwitikia na ngoro  Mutiukire na ihenya mukarahurane    5.  Nariri nirio ihinda ria nduriri ciothe  Mutiuke tumuhoe riu twina hinya  Tondu ni kuri ihinda riria rigakinya  Mutakahota guthii ona mukiendaga.

1.   Thikiririai inyuothe muigue uhoro wa andu a Ngai  Aria matuire guku thi marumitie uhoro wa ma     Andu acio ni makinyire  Niundu wa gukiririria    2.  Nuhu ndungata ya Ngai yahonokirio mai-ini  Ohamwe na nyumba yake niundu wa gukiririria    3.  Niundu wa gukiririria gwa ithe witu Ibrahimu  Nikuo gwatumire Ngai amuhingirie irikaniro     4.  Uthingu wothe wa Musa ohamwe na ukiririria  Ni ciatumire Ngai amumirire kiihinga-ini     5.  Joseph endirio Misri ugitura ari mwihokeku  Nake akihota andu niundu wa gukiririria    6.  Daniel acambirio ni andu niundu wa gukiririria  Nake akihota andu acio niundu wa gukiririria    7.  Mwathani Jesu atwarirwo kigeranio weru-ini  Niundu wa gukiririria akihota mucukani     8.  Anabii aria atheru marathire uhoro wama  Moragirwo magikua makiririirie     9.  Ndungata ithat...

1.  Andu aria muitiriirio Roho Mutheru  Hingurai ngoro cianyu muigue  Matuiro ma Ngai maria mutuiniirwo  Niguo mundu o mundu emenyerere    2.  Jesu okire ahana ngathi ya kwambata  Nake Roho niwe mutongoria  Wagutongoragia ciana cia Jehova  Amonagie ithuki na marima     3.  Mundu uria uitiriirio Roho Mutheru  Wega wake no emenyereir  Tondu angitithia niguo acoke na thutha  Roho ndangituika muira wake    4.  Mundu uria utithitie kana agacoka na thutha  Wega wake no atangiaciarirwo  Tondu atuikaga murata wa Shaitani  Acambithagie Roho Mutheru     5.  Ithuki ni nyingi hamwe na marima  Maria maguaga andu aria athingu  Menjetwo ni ngoma hamwe na araika ake  Makenjerwo ciana cia Jehova    6.  Marima na ithuki mathikiririei  Niguo mundu ndakae kugwa mo  Ni andu aria matigite njira ya Ngai  Magacoka thutha gwa Shaitani   ...

1.  Mwathani aromumenyerera  Onginya tukonana ringi  Muikare kiugu-ini giake  Onginya tukonana ringi    Onginya tukonana ringi  Maguru-ini ma Jesu  Onginya tukonana ringi  Mwathani aromumenyerera    2.  Mwathani aromumenyerera  Uru wa thimba ta matu  Amukumbacirie wega  Onginya tukonana ringi    3.  Mwathani aromumenyerera  Rungu rwa mathagu make  Muriage irio cia mana  Onginya tukonana ringi    4.  Mwathani aromumenyerera  Bendera ya wendo wake  Irugame iguru ritu  Onginya tukonana ringi.

1. Jehova aikuruka kirima gia Sinai Riathani ria mbere riria athanire Oigire Ninii Jehova Ngai wanyu Ndagwatha ndukanagie na ngai ingi   Ni hindi ni hindi ni hindi ngumbura Nyumbure ndi muira Kristo   2. Menya gukehoka ngai cia guku thi Na ndukanehoke ngai cia riumba Na ndukanehoke ngai cia mihianano Ni nii Jehova Ngai uri uiru   3. Rugama wihande na maguru maku Umbure wi muira wa horo wama Ta uria Jesu oigire nimugatuika aira Ndurini-ini ciothe na kuri andu othe   4. Nikio atheru a Jesu moragirwo othe Aria maregire mihianano Makiuga ati gikuu ni murata mwega Wakuhingurira mucii wa iguru.

1. Ngai wa aria me muoyo Thikiriria wi iguru Roho agigukaira tondu wa thina Na tondu uri munene Na ningi uri muigua-tha Ndugatutige   2. Watongoririe Musa Na gitugi kia mwaki Riria oimaga Misri Nyumba ya ukombo   3. Tutongorie Mwathani Niguo tugakorwo ho Hamwe na Iburahimu Ibuku-ini ria muoyo.

1. Niaumire matu-ini Mwathani Jesu Atuike ngombo na muthamaki Niarutire unene wa mwago wake Agiuka na mwiri wa guku thi   Tukamuona agiuka kuiyira Uthingu mbeu tiri-ini uria munoru   2. Nuu ukarugama riria agoka Muthenya wa gucoka guku thi Ni aria mena ruri rwa ritwa riake Riandikitwo na uugi wa roho   3. Aria matekwenda muoyo wa thi-ino Metrejre uria makareherwo Ni magetwo moime kwi nyamu ya thi Tondu niogire ndakamatiga.

1. Hindi iria ngutungata Ndina hinya wa mwiri Ngoro yakwa yuragia Hihi no ngathii iguru   Ni rugendo nyitite Njerekeire matu-ini Kiugu-ini kia baba Ngariithagio ni Jesu Muriithi utakanoga   2. Rugendo rwa guku thi Ruthiagwo na rigu Rugendo rwa matu-ini Ruthiagwo na roho   3. Muriithi wa Isaaka Ehonokia kwi nduira Riria ngakinya iguru Ngamugoca na roho   4. Ngondu iria cian ciitu Ciambataga oimwe Ngoro yakwa yuragia Hihi no tukonana   5. Na Joshua muthuri uria Warugamirie riua Tiga witikio wake Ndangiaringiirwo kiama   6. Muriithi wa Isaaka Ehonokja kwi nduira Riria ngakinya iguru Ngamugoca na roho.

1. Nduraga guku thi-ino ya mehia Na ndingiona kihuruko No minyamaro hamwe ma magerio Niku nguona gwa kwihitha   Niku nguthii njarie handu ha kwihitha No njaririe murata ti Jesu Anjaririe hakwihitha   2. Andu a itura aria twendaine nao Tuikaraga na gikeno No ndenda irio cia ngoro yakwa Niku nguthii gwa kwihitha   3. Miturire ya guku thi ni miega Thayu-ini kiugo-ini kia Ngai No riria ngakuhiriria gukua Niku nguthii gwa kwihitha   4. Warega riu Jesu agutherie Jesu oka agagutiga Minyamaro ya Caitani yuke Nawe wage gwa kwihitha.

1. Munyiti wa icembe Ria ng’ombe rikirima Angiroria maitho thutha no riature Ritige mugunda ucio na icigo itari nime   Mwathani niathuire Andu aria a ngoro igiri Niathuire kwenyurirwo ngoro e uiru Ndendaga kugairwo Kaba umuhe ngoro yaku yothe niguo akene   2. O nake muthigari Emuohe indo cia mbaara Ndekagirwo thumbi mutwe onginya Amihotanire ota uria gwathanitwo akenie Mwathani uria umwandikite wira ucio   3. Paulo njamba ya ma Na ni muira wa uhoro Niomburiire andu othe uthamaki wa iguru Na ti uhoro wakwario na kanua na nduhingio   4. Gikeno kianyu giothe Ni gituike maithori Na mitheko ituike kieha mwamenya Ni Misiri muri bururi wa maithori Muthaithe Jehova mwina kieha na maithori.

1. Mwathani Jesu niakuire githi to undu witu Riria ukuria kana ukanyua ririkana niigathira Wee wiho Wee wiho Thikiriria uigue kieha Wee wiho Jesu niabatairio niwe   2. Korwo maithe maitu nimamenyire Mwathani Ona ithui twi ciana ciao nitungionire utheri   3. Ona inyui muri ariu mutikahane tao Niguo ciana iria mukaheo ikona kirathimo   4. Mabata matigathira ndugate ihinda umarumirire Jesu niagakuhe utonga munene kuri ucio   5. Mabata matigathira ndugate ihinda umarumirire Tondu riakwa ni riandike ni Kristo Mwathani

1. Ngwataniro yama hatari itheru Itu na anabii na atumwo a Jesu.   Mbere ni kugwatiria ngoro iiyuire ruo, Na kwirigirira hatari itheru, Ni muoyo wetiiruo riria wetirwo.   2. Tigaga guruika ta wi muriu, Wa maundu ma thi wicirie muno.   3. Riria uturitie ndu ugithaitha Ngai, Mwende muno tondu waria niekuigua.   4. Uhoro wa Roho watonya ngoro, Niurutururaga kwenda kwa mwiri.   5. Reke uhoro wama ugutongoragie, Utuike githima kienje ni Roho.

1. Uthamaki wa iguru ukahananio, na airitu ikumi Aria moire matawa mao, mathagane muhikania Atano mari ogi, nao atano maari akigu Tondu aria akigu matiakuire, maguta na cuba   2. Airitu aria ogi nimaiyuririe, matawa maguta Na magikua mangi na micuba, matuike muthithu Kurathimwo ni aria, mahetwo kumenya Ciugo cia uthamaki wa Mwathani, tondu ndugathira   3. Muhikania nake riria aikarire, magicunga magikoma Utuku gatagati gukianirirwo, muhikania ari guka Umai mumuthaganie, na utheri wa tawa Na matawa matano maria akigu makihora mothe   4. Makira aria angi tuhei maguta Tondu matawa maitu mekuhora, makaga gwakana Makirwo maya matingituigana ona mamuigane No makiria thiii mukagure manyu, kuri aria mendagia Hindi iria mathiite, muhikania agiuka Agitonya thiini hamwe na aria ogi, murango ukihingwo   5. Airitu aria akigu riria mokire, makiringa murango Makiuga hingura murango turi guka na ithui, Tutonye giathi-ini Makirwo ndimui, ndiui kuria mumite Nimwahenereirio ni maundu m...

1. Habili athecwo na ruhiu ni Kaini akiuragwo Nuhu nianyaririkire ngoro agiaka thabina Yarika ikimahonokia maai mahua akiruta Igongona ria guthaitha Jehova ni gukena   Uguo niguo gugakenwo Ni njamba iria ikahoota thi Uthamaki-ini wa iguru Jerusalemu njeru   2. Murathimithia nduriri ciothe ni Iburahimu Nake ni onire mathina bururi wa Kanani Akienda kuruta mwana atuike wa igongona Jehova akimuonia ndurume Iburahimu agikena   3. Andu marutwo Misiri ni uhoti wa Jehova Na makinya iria itune mona marumiriirwo Aria maari ngoro huthu makinegenia Musa Jehova amaringia ruui magicoka gukena   4. Daudi atwarira ariu a ithe irio mbaara-ini akiigua Goriathu aruma maguta matheru ma uthamaki Akiuga arekwo akarue na njamba io akirumwo Ningi etikirio akiuraga njamba io magikena   5. Shadiraka na Meshaka na Abedinego maikio Mwaki-ini makiuhota ni makenire muno Danieli aikio irima rina miruthi akimihota Ruci-ini akiroka kuuma na gikeno kinene   6. Gaturume ni athaithire Jehova...

1. Ndiguka arata akwa na nguite thayu Ona umithio wa witikio no ngwete Nikio ndamurahira maya ndinamo Tondu ni ndimire itura ria waganu.   2. Thaganiai kiugo kia Ngai ni giuku Tondu nikio buthi wa maroho manyu Nikio kihandaga na gikeringuria Gikeyaka na gutiri ungigiakûra.   3. Kiehanda gutingigia mugithariki Mukioroti niwe weyorota athire Gutiri ungitiria ikumbata riakio Gikaanina aremi giturie ehokeku.   4. Kiang’ethera thi-ino igakunjwo ta irua Kierekera iguru rigathuthwo riage Gikang’aria ciothe iri thi na cia iguru Giiturie kio kiene kiigwatiire uthingu.   5. Ndiaga matunda ma muti uria wa muoyo Na nganyua mai ma githima kia muoyo Nikio njagaga kieha kana kahoru Na nginyaga na hinya ndi wa muthamaki.   6. Ritwa riakwa riho ibuku-ini ria muoyo Nirio nduagira na kuritherithia Nikio nemagira maugi ma nduma Njathikagire kiugo giki ki muoyo.   7. Ritwa riandikirwo riria nderirire Nikio gugiciaruo mutiithia Ngai Na uira ukirehwo ni muru wa Ngai Ngerage makin...

1. Racuriai maitho ma ngoro cianyu Mwirorere wira uria urutitwo buruni uyu Ni uugi wa Ngai urutite wira.   2. Matawa na ngoro maroakana Mumurikire thi-ino yone nginyo cia muoyo Ningi iriririe icera rianyu.   3. Haha niha uugi muone he nduhiu Ruheni rwa uuru ni rwaikio ni thu yanyu Iria itakenagio ni ugaciru uyu.   4. Muitiriirio maguta ndungata ici Ni getha muiguage thaha wa mwiki nai Mwaigua mukamenya njemo ciake.   5. Thagama ni njare ya maroho Atheru mwitherie mugere he matei Muri atherie ni uhoro uyu wama.   6. Mugate uri ho mukwenyurirwo Muwenyuri ni Roho na hitho ni ya muoyo Aingi anyu mahike itura rieru   7. Kirahei umithio wa witikio O mundu ahoe Ngai amenye utungati wake Ningi mwenyuranire ngoro cianyu.   8. Ni wega ni wega arata akwa Ni hinya wa mahinya na ugi ma maugi Njihuraga njuui arii meho.