300. ANDU ARIA MUITIRIIRIO ROHO MUTHERU

1.

 Andu aria muitiriirio Roho Mutheru
 Hingurai ngoro cianyu muigue
 Matuiro ma Ngai maria mutuiniirwo
 Niguo mundu o mundu emenyerere
 
 2.

 Jesu okire ahana ngathi ya kwambata
 Nake Roho niwe mutongoria
 Wagutongoragia ciana cia Jehova
 Amonagie ithuki na marima
 
 3.

 Mundu uria uitiriirio Roho Mutheru
 Wega wake no emenyereir
 Tondu angitithia niguo acoke na thutha
 Roho ndangituika muira wake
 
 4.

 Mundu uria utithitie kana agacoka na thutha
 Wega wake no atangiaciarirwo
 Tondu atuikaga murata wa Shaitani
 Acambithagie Roho Mutheru
 
 5.

 Ithuki ni nyingi hamwe na marima
 Maria maguaga andu aria athingu
 Menjetwo ni ngoma hamwe na araika ake
 Makenjerwo ciana cia Jehova
 
 6.

 Marima na ithuki mathikiririei
 Niguo mundu ndakae kugwa mo
 Ni andu aria matigite njira ya Ngai
 Magacoka thutha gwa Shaitani
 
 7.

 Monaga andu aria mari na Roho wama
 Makaigua uuru maririkana
 Ni mari na tigiti wa guthii iguru
 Na nimatunyirwo ni Shaitani
 
 8.

 Mendaga kugucia ciana cia Jehova
 Igue marima maria maguire
 Na uthingu wa kanua na ndeto cia tuhu
 Na wendani wao wa maheni
 
 9.

 Suleimani oigire andu aria mendaga kuhonoka
 Ni makahitania na njira icio
 No andu aria matigite njira ya Ngai
 No makagua marima macio
 
 10.

 Mundu o mundu niarumie watho wa Ngai
 Na atige arata ake a guku thi
 Ta uria matigirwo ni aria mambatire
 Matikamacokie gwa Shaitani
 
 11.

 Murata wabatithio tiga gukena
 Ona wakworwo uri munabii
 Anabii na atumwo moragiirwo ki
 Moragiirwo kuhingia watho ucio.